“Müxalifət alyansı” yaradıldı.

Aktual.ge xəbər verir ki, bu barədə "Dəyişiklik üçün Koalisiya"nın liderlərindən biri Nika Qvaramia müxalif partiyaların bir qisminin görüşündən sonra jurnalistlərə açıqlama verib.

Onun sözlərinə görə, “Müxalifət alyansı” ilə bağlı razılaşmanın elan edilməsi onun üçün “böyük şərəf və çox sevindiricidir”.

“Bu, qısamüddətli məsləhətləşmələr deyildi, asan məsləhətləşmələr də deyildi. Uzun müddətdir davam edir. Bu müddətdə bir çoxumuz həbsxanaya düşdük, bəzilərimiz azadlığa çıxdıq, bəziləri isə hələ də həbsdədir. Üstəlik, təkcə siyasətçilər deyil, gürcü cəmiyyəti üçün çox vacib olan jurnalistlər və digər şəxslər də var.

Biz məsləhətçi format yaratmırıq, qalibiyyət üçün birlik yaradırıq. Vahid istiqamət və vahid fəaliyyətlər üzərində razılaşırıq. Siyasi kimliklərimizdən imtina etmirik, vahid siyahı yaratmırıq, hazırda bu barədə söhbət getmir və gələcəkdə olub-olmayacağı da bilinmir. Lakin biz fəaliyyət birliyi yaradırıq. Bu razılaşmanın tərkib hissəsi olan davranış kodeksi çox aydındır, birgə fəaliyyət və bərabərlik prinsiplərinə, eləcə də konkret davranış qaydalarının pozulmasına görə məsuliyyət prinsipinə əsaslanır”, – deyə Nika Qvaramia qeyd edib.

“Müxalifət alyansı” aşağıdakı müxalif qüvvələr arasında yaradılıb:
Dəyişikliklər üçün Koalisiya, Vahid Milli Hərəkat, Strategiya Aqmaşenebeli, Federalistlər, Milli-Demokrat Partiyası, Avropa Gürcüstanı və Azadlıq Meydanı.