"Bəzi siyasi partiyalar həddindən artıq emosionaldır, şişirdilmiş və iddialıdır, amma düşünürəm ki, sağlam düşüncə üstünlük qazanır və çoxpartiyalı parlament əldə edəcəyik". Aktual.ge xəbər verir ki, bu sözləri hakim "Gürcü Arzusu - Demokratik Gürcüstan" partiyasının sədri Bidzina İvanişvili seçkilərin ikinci turuna ailəsi ilə birgə səs verməyə gələrkən jurnalistlərə müsahibəsində deyib. İqtidar liderinin sözlərinə görə, demokratik cəmiyyət 31 oktyabr seçkilərinin azad şəraitdə baş tutduğunu qeyd etdiyini ifadə edib. 'Müxalifətin parlamentə girəcəyini düşünürsünüzmü'? sualına isə B.İvanişvili deyib: "Hər şey yaxşı olacaq".