Qərbi Afrika ölkələrindən biri olan Nigeriyada heyvandan insana keçən "Lassa" qızdırmasından ölənlərin sayı 19-a çatıb. Aktual.ge xəbər verir ki, Nigeriya Xəstəliklərə Nəzarət Mərkəzinin (NCDC) əyalət koordinatoru, həkim Rilvau Muhammed bildirib ki, dünyanın yeni tip koronavirusla mübarizə aparmağa davam etdiyi bu dövrdə əyalətdə "Sarı hərarət" və "Lassa" qızdırması ortaya çıxıb. "Sarı hərarət" pandemiyasi ilə mübarizə çərçivəsində əyalətin 19 bölgəsinə 4 milyon peyvənd göndərilib. 2021-ci ilin yanvar ayından etibarən 1-44 yaş arasında olan insanlara peyvəndin vurulması planlaşdırılıb. Hökumət pandemiyanın qonşu əyalətlərə bulaşmaması üçün əlindən gələni edir. Qeyd edək ki, yanvar ayından bu günə kimi Nigeriyanın 29 əyalətində 300-dən çox insan "Lassa" qızdırması səbəbiylə dünyasını dəyişib. Hər il quraqlığın yaşandığı noyabr və may aylarında "Lassa" qızdırması daha da çoxalır. Siçovul nəcisi ilə təmas nəticəsində yayılan bu xəstəlik insandan insana keçərək ölümcül qızdırmaya səbəb ola bilir. Bu barədə insanlara bildirilir ki, gigiyena qaydalarına xüsusi diqqət yetirsinlər, siçovul və digər gəmirici heyvanlarla birbaşa təmas halında olmasınlar.