Azərbaycanın Gürcüstandakı Səfirliyi və "SOCAR Energy Georgia" şirkətinin dəstəyi ilə “Əmin” və “İmam Hüseyn (ə)” adına Fonda uşaqlar üçün ümumilikdə 152 hədiyyə paket təqdim edilib. Aktual.ge-nin məlumatına görə, valideyn himayəsindən məhrum uşaqlara yardım sahəsində fəaliyyət göstərən həmin Fondların əməkdaşları bu gün həmin uşaqların ailələrinə bayram sovqatlarını çatrıdıb. Fondların rəhbər və əməkdaşları bu xeyirxah addıma - uşaqlar üçün göndərilən hədiyyələrə görə Azərbaycanın Gürcüstandakı Səfirliyinə və "SOCAR Energy Georgia" şirkətinə minnətdarlıqlarını ifadə ediblər.