Sinoptiklər 14-16 yanvarda, Gürcüstanda arabir yağış yağacağını, dağlıq ərazilərdə qar, duman və qar fırtınası olacağını, bəzi çaylarda suyun səviyyəsinin təhlükəli həddə çatacağını proqnozlaşdırırlar. Aktual.ge xəbər verir ki, bu barədə Milli Ətraf Mühit Agentliyindən məlumat verilib. Məlumata görə, gözlənilən güclü yağışlar dağlıq ərazilərdə uçqun əmələ gəlməsinə və torpaq sürüşmələrinin yaranmasına səbəb olacaq. Gürcüstanın bəzi çaylarında suyun səviyyəsi təhlükəli həddə çata bilər.