Qardabani rayonunda məktəbin yaxınlığında partlayış baş verib. Aktual.ge xəbər verir ki, partlayış nəticəsində 11 və 15 yaşlı iki qardaş yaralanıb. Əldə etdiyimiz məlumata görə, yaralanan 15 yaşlı uşaq isə xəstəxanada dünyasını dəyişib. Valideynləri partlayışın səbəbinin nə olduğunu bilmədiklərini söyləyirlər: "Uşaqlar məktəbdən evə qayıdanda nəsə tapıblar. O tapdıqları hər nə idisə partlayıb”. Məlumata görə, qəza bir neçə saat əvvəl baş verib, hazırda partlayış baş verən ərazidə istintaq aparılır.