Martın 7-də Gürcüstanda (əsasən ölkənin qərb hissəsində) yağış yağacağı, dağlarda qar yağacağı, arabir güclü qərb küləyi əsəcəyi gözlənilir. Aktual.ge xəbər verir ki, bu barədə Milli Ətraf Mühit Agentliyi məlumat yayıb. Məlumata görə, martın 7-də əlverişsiz hava şəraiti ilə yanaşı dənizdə 3-4 bal gücündə fırtına da gözlənilir. "Martın 7-də qərbi Gürcüstanda və 8-də Gürcüstanın şərqində hava istiliyində əhəmiyyətli dərəcədə azalma gözlənilir. Gözlənilən güclü yağış Gürcüstanın qərbindəki çaylarda suyun səviyyəsini əhəmiyyətli dərəcədə artıra bilər və ölkənin dağlıq ərazilərində qar uçqunlarının meydana gəlməsinə səbəb ola bilər və torpaq sürüşmələrinin baş verməsi də ehtimal edilir", - məlumatda bildirilir.