Hakim “Gürcü Arzusu - Demokratik Gürcüstan” partiyası ötən gün "TvPirveli" vasitəsilə yayımlanan və qalmaqala səbəb olan gizli səsyazısı ilə bağlı bəyanat yayıb. Hakim partiyanın mətbuat xidmətindən Aktual.ge xəbər portalına verilən bəyanatda deyilir: “Dünən televiziyalardan birində ictimaiyyət qanunsuz səs yazılarının uydurulduğunu gördü və eşitdi. Bu, 'Vahid Milli Hərəkat' hakimiyyəti dövründə (Bidzina İvanişvili siyasətə başlamazdan əvvəl) iki şəxs haqqında İrakli Qaribaşvili və yetkinlik yaşına çatmayan Bera İvanişvili barədə uydurduqları audioyazıdır. Bu bir uydurmadır, televizyalar bele qeydləri yayımlamaqdan çəkinməlidirlər. Bu cür uydurmalarla özlərini daha da məhv edirlər, çünki mədəni dünyada bu cür metodların istifadəsi tamamilə əxlaqsız və qəbuledilməzdir. Qanunsuz dinləmə, eşidilənləri saxlamaq, quraşdırma-uydurma və s. Bunun altında 'Milli Hərəkat'ın imzası var. 'Gürcü Arzusu' və liderlərinə gəldikdə, siyasətə girmədən əvvəl də, sonra da bu cür metodlardan istifadə etmədilər. İki gün əvvəl, ATƏT/DTİHB tərəfindən 2020-ci il parlament seçkiləri ilə bağlı çox müsbət bir qiymətləndirmə yayımlandı. Eyni zamanda, Avropa Şurasının prezidenti Şarl Mişel, vasitəçi rolunu öz üzərinə götürdü ki, bu da təbii olaraq prosesin gərginləşməsinə və danışıqların konstruktiv rejimdə davam etməsinə zəmanət vermək idi. Görünür, saxta səsyazılarının yayımlanmasına səbəb olan bu amillərdir və məqsəd danışıqları pozmaqdır. Radikal müxalifət bu yazıları danışıqlardan imtina etmək üçün istifadə etmək istəyir. 'Gürcü Arzusu' dövlət münasibətlərindən heç vaxt imtina etməyəcəkdir. Buna görə də beynəlxalq tərəfdaşlarımız tərəfindən çağırılan dialoqu davam etdirməyə hazırıq". Xatırladaq ki, “TvPirveli” telekanalı hakim "Gürcü Arzusu" partiyasının keçmiş sədri Bidzina İvanişvilinin oğlu Bera İvanişvili və hazırkı baş nazir İrakli Qaribaşvilinin təxmin edilən telefon danışığının səsyazısını yayıb. Audioyazıda B.İvanişvili İ.Qaribaşvilidən feysbuk sosial şəbəkəsində neqativ şərhlər yazan məktəblinin cəzalandırılmasını tələb edir. Süjetin yayımlanmasından sonra ölkə müxalifəti hökumət başçısının istefasını tələb etməyə başlayıb.