2023-2024-cü tədris ilində Gürcüstanın ali təhsil müəssisələrində ümumilikdə 121 min 514 tələbə (bakalavr) qeydiyyatdan keçib. 

Aktual.ge xəbər verir ki, bu barədə Gürcüstan Milli Statistika Xidmətinin məlumatında qeyd olunub.

Məlumata əsasən, qeydiyyatdan keçən tələbələrin əksəriyyəti - 57 min 874 nəfər Sosial Elmlər, Biznes və Hüquq fakültəsində təhsil alır.

Ən tələbələr aşağıdakı fakultələrində təhsil alır:

Sosial elmlər, biznes və hüquq - 57 min 874 tələbə, onlardan ən çoxu - 25 min 699 nəfəri Biznes və Menecment, 15 min 498 nəfər Sosial və Davranış elmləri, 14 min 378 tələbə isə Hüquq sahəsində təhsil alır.
Elmlər fakültəsi - 22  min 133 tələbə təhsil alır, onların əksəriyyəti - 10 min 125 İnformatika ixtisası üzrədir.
Humanitar Elmlər və İncəsənət - 14 min 263 tələbə
Mühəndislik, emal və tikinti sahələri - 9 min 213. Bunlardan 4028-i Mühəndislik, 4 min 200-ü isə Memarlıq və inşaat ixtisasları üzrə təhsil alır.
Sağlamlıq və sosial təminat fakültəsində 5 min 663 tələbə təhsil alır ki, onların da əksəriyyəti - 5 min 443-ü səhiyyə ixtisası üzrədir.
Məlumat üçün bildirək ki, ötən 2022-2023-cü tədris ilində ali təhsil müəssisələrində 110 min 037 tələbə təhsil alıb.