Zuqdididə "Gürcüstan Bank"ına (Saqartvelo Bank) daxil olan cinayətkar polisə 2 saat vaxt verir. Aktual.ge xəbər verir ki, bu sözləri o, "Mtavari Arxi" ilə canlı yayımı zamanı bildirib. Canlı yayımda bankdakı girovlardan İrakli Kvaraçxelia sözügedən telekanalla canlı bağlantı qurub. Təcavüzkar şəxs onun vasitəsi ilə fikirlərini polisə çatdırıb. İ.Kvaraçxelia deyib, silahlı şəxs hüquq-mühafizə orqanlarının onun ilk tələbini 2 saat ərzində yerinə yetirmədiyi və xüsusi təyinatlıları ərazidən geri çəkmədiyi təqdirdə içəridə olan girovları öldürməyə başlayacağını bildirib.