Teymur Rəcəbov Aronyana qalib gələrək çempion oldu - VİDEO
03.01.2021 21:12
266
İdman
A
Teymur Rəcəbov Aronyana qalib gələrək çempion oldu - VİDEO
Onlayn blits şahmat üzrə “Airthings Masters” turnirinin final görüşlərinə yekun vurulub. Aktual.ge xəbər verir ki, Azərbaycan qrossmeysteri Teymur Rəcəbov yarışın qalibi adını qazanıb. 34 yaşlı şahmatçı finalda Ermənistan təmsilçisi Levon Aronyana qalib gəlib. İlk görüşdə rəqibini 2,5:1,5 hesabı ilə məğlub edən Teymur Rəcəbov bu gün ikinci dueldə də lazımi nəticəni qazanıb. Rəcəbov 3 görüşdən sonra (0,5:0,5, 1:0, 0,5:0,5) ən azı heç-heçəni təmin edib ki, bu da 2 final matçının nəticəsinə əsasən onun çempionluğunu təmin edib. 4-cü görüşün heç bir əhəmiyyəti qalmadığından oynanılmayıb. Teymur bu qələbə ilə 60 min dollar məbləğindəki mükafata da sahib olub. Qeyd edək ki, 200 min dollar mükafat fondu olan turnirdə 12 şahmatçı mübarizəyə başlayıb. Dairəvi sistemlə keçirilən ilk mərhələdən sonra 8 iştirakçı nokaut sistemi ilə yarışı davam etdirib.
ŞƏRH YAZ
2