"Lilo" bazarının ticarətçiləri bazarın açılması tələbi ilə etiraz aksiyası keçirirlər. Aktual.ge xəbər verir ki, etirazçılar tələbləri yerinə yetirilməzsə, itaətsizlik elan edəcəklərini və müxtəlif yerlərdə ticarətə davam edəcəklərini bildiriblər. "Açılmasını istəyirik, çünki işləməliyik. Hər şeydən əvvəl hökumət çıxıb deyir ki, bazarlar açılmır. Kim buna qərar verən? Biz nə etməliyik?! "Lilo" fevralın 1-də açılmasa, itaətsizliyə başlayacağıq. Əlbətdə ki, mitinqlərin dayanmayacağını da istisna etmirik", - deyə etirazçılardan bir nəfər bildirib.