Toyota markalı avtomobil mikroavtobusla toqquşub. Aktual.ge xəbər verir ki, hadisə Kutaisi-Samtrediya yolunda baş verib. Şahidlərin sözlərinə görə, avtomobil yanacaqdoldurma məntəqəsi yaxınlığında mikroavtobusla toqquşub. Hadisəyə səbəb kimi yolların buzlu olması göstərilir. Hadisə nəticəsində avtomobilin sürücüsü 25 yaşlı gənc yerindəcə ölüb, mikroavtobusda olan iki nəfər isə müxtəlif dərəcəli bədən xəsarətləri alaraq xəstəxanaya yerləşdirilib. Hadisə yerinə hüquq mühavizə orqanları cəlb olunub, araşdırma aparılır.