"Harada olduğumu yaxşı bilirəm. Bu zalı mən tikdirmişəm, arxanızdakı bayrağı mən qoydurmuşam, oturduğun bu stul mənim tərəfimdən qoyulub, bu auditoriya mənim tərəfimdən hazırlanıb və bu qəfəs mənim tərəfimdən tikilmişdir".

Aktual.ge xəbər verir ki, bunu Gürcüstanın üçüncü prezidenti Mixail Saakaşvili qanunsuz sərhədi keçməsi ittihamı ilə bağlı Tbilisi Şəhər Məhkəməsində hakim Nino Çaxnaşviliyə deyib.

O, İvanişvilinin məhkəməsinə hörmət etmədiyini bildirib.

“Mənim harada olduğum barədə izahatınıza ehtiyacım yoxdur. Ölkədə görülən və indiyə qədər korlanmayan hər şey mənim tərəfimdən edilir. Üzr istəyirəm ki, sizdən fərqli olaraq dörd hüquq fakültəsini bitirmişəm. İvanişvilinin məhkəməsinə hörmətim yoxdur. Qərarınıza sıfır hörmətim var", - deyə M.Saakaşvili söyləyib.