Dövlət Təhlükəsizliyi Xidmətinin (DTX) Terrorla Mübarizə Mərkəzinin keçirdiyi genişmiqyaslı xüsusi əməliyyat nəticəsində “İslam Dövləti” (İŞİD)  terror təşkilatının tərəfdarları məhkəmənin qərarı əsasında həbs edilib. 

Aktual.ge xəbər verir ki, bu barədə DTX məlumat yayıb.

Məlumata əsasən, antiterror əməliyyatı eyni vaxtda dörd yerdə həyata keçirilib və 6 Gürcüstan vətəndaşı saxlanılıb.

“Terrorla Mübarizə Mərkəzinin, Gürcüstan Baş Prokurorluğunun və Daxili İşlər Nazirliyinin birgə tədbirləri nəticəsində əldə edilmiş sübutlara əsasən, adıçəkilən şəxslərin RPİ-nin nüfuzlu rəhbərlərindən biri ilə əlaqələrinin olması müəyyən edilib. “İslam Dövləti” terror təşkilatı və onun rəhbərliyi altında bir sıra ölkələrdə müxtəlif növ terror fəaliyyətləri planlaşdırıb.

İstintaq tədbirləri nəticəsində terror təşkilatının rəmzləri, elektron məlumat daşıyan qurğular, döyüş sursatı, partlayıcı maddələr və istintaq üçün vacib olan müxtəlif sübutlar aşkar edilib.

İş Gürcüstan Cinayət Məcəlləsinin 328 və 236-cı maddələri ilə araşdırılır, yəni xarici ölkənin terror təşkilatına qoşulma, terror fəaliyyətinə köməklik göstərmə, qanunsuz olaraq odlu silah, döyüş sursatı və partlayıcı maddələr əldə etmə və saxlama. DTX-nın Terrorla Mübarizə Mərkəzi araşdırmanı davam etdirir.

Sözügedən araşdırmalar çərçivəsində antiterror mərkəzi tərəfindən əldə edilmiş sübutlar əsasında saxlanılan şəxslərin müxtəlif xarici dövlətlərin ərazisində müəyyən terror fəaliyyətləri müəyyən edilib və artan təhlükə nəzərə alınaraq operativ şəkildə tərəfdaş ölkələrə məlumat verilib. Qeyd edək ki, eyni iş çərçivəsində Daxili İşlər Nazirliyinin Miqrasiya İdarəsinin Müvəqqəti Yaşayış Məntəqəsinə yerləşdirilən 1 xarici ölkə vətəndaşı barəsində də cinayət işi başlanıb" , - məlumatda deyilir.