Marneuli Bələdiyyəsində amansız qətl hadisəsi ilə bağlı 3 nəfərə qarşı ittiham irəli sürülüb. 

Aktual.ge xəbər verir ki, bu barədə Baş Prokurorluq məlumat yayıb.

İstintaq orqanının məlumatına görə, təqsirləndirilən şəxslər nəqliyyat vasitəsini və ələ keçirmək üçün taksi sürücüsünə hücum ediblər. 

"Gürcüstan Baş Prokurorluğu Marneuli bələdiyyəsində baş vermiş qəsdən adam öldürmə faktı ilə bağlı üç nəfərə qarşı ittiham irəli sürüb.

Daxili İşlər Nazirliyi tərəfindən aparılan araşdırmalar nəticəsində müəyyən edilib ki, mayın 20-də Tetritskaro bələdiyyəsinin Marabda kəndində 3 təqsirləndirilən şəxs, o cümlədən biri azyaşlı taksi sürücüsünün başına çoxsaylı bədən xəsarətləri yetirib. Onun avtomobilini ələ keçirmək üçün “ip”lə boğublar. Təqsirləndirilən şəxslər izlərini gizlətmək üçün meyiti avtomobilin yük yerində yerləşdirərək yaxınlıqdakı çuxurda basdırıblar, bundan sonra mərhumun avtomobilini ələ keçirərək hissələrə ayırmağa başlayıblar.

Hüquq-mühafizə orqanlarının əməkdaşları mayın 22-də biri azyaşlı olmaqla iki nəfəri həbs edib və üçüncü şəxs barəsində qiyabi ittiham üzrə qərar çıxarılıb. Hər üç şəxsə qarşı Gürcüstan Cinayət Məcəlləsinin 109-cu maddəsinin “i”, “m” və “n” bəndləri ilə (qütblükdə, xüsusi amansızlıqla və ağırlaşdırma ilə qəsdən adam öldürmə) ittiham irəli sürülüb. Onları 16 ildən 20 ilədək və ya ömürlük həbs cəzası gözləyir.

Prokurorluq təqsirləndirilən şəxslərə qarşı həbs qətimkan tədbirinin müddətinin uzadılması barədə vəsatətlə qanunla müəyyən edilmiş müddətdə məhkəməyə müraciət edəcək”, - deyə məlumatında bildirilir.