İrakli Kobaxidze hesab edir ki, Avropa Parlamentinin qətnamələri öz təsirini və əhəmiyyətini itirib. 

Aktual.ge xəbər verir ki, Tacikistanda gürcü jurnalistlərlə söhbəti zamanı Gürcüstanın Baş naziri belə deyib.

Onun sözlərinə görə, bu cür sənədlər artıq gürcü cəmiyyətinin marağını cəlb etmir və orada səsləndirilən tələblərin bir hissəsini ayrı-seçkilik kimi qiymətləndirir.

“Vizasız rejimi yalnız agenturaya saxlamaq olmaz”, - deyən hökumət başçısı əlavə edib:

“Ümumiyyətlə, Avropa Parlamentinin qətnamələri artıq bütün dəyərini itirib. Artıq neçənci qətnamənin qəbul edildiyini belə xatırlamıram. Gürcü xalqını bu qətnamələr ümumiyyətlə maraqlandırmır. Maraqlı detal ondan ibarətdir ki, bu qətnamədə birbaşa ayrı-seçkilik xarakterli tələb görünür – bildirirlər ki, vizasız rejim yalnız agenturaya saxlanılmalıdır. Bu, əlbəttə ki, gürcü xalqına qarşı sağlam yanaşma deyil. Cəmiyyət Avropa bürokratiyasından ədalətli münasibət görməyə layiqdir, lakin bu gün fərqli yanaşmaların formalaşdığını görürük".

Xatırladaq ki, Avropa Parlamenti Gürcüstanla bağlı tənqidi hesabatı dəstəkləyib. Sənəddə Avropa Parlamenti Avropa İttifaqını Bidzina İvanişvilinin aktivlərini dondurmağa və bu məsələ ilə bağlı digər yurisdiksiyalarla, xüsusilə Birləşmiş Krallıq və ABŞ ilə əməkdaşlıq etməyə çağırır.