Gürcüstan vətəndaşı 14 yaşına çatdıqdan sonra 6 ay ərzində elektron şəxsiyyət vəsiqəsi almalıdır. Qanuni nümayəndə arzu edərsə, hətta 14 yaşına çatmamış şəxs üçün Gürcüstan vətəndaşının elektron şəxsiyyət vəsiqəsi alması mümkündür.

Aktual.ge xəbər verir ki, bu barədə məlumat Ədliyyə Evinin səhifəsində dərc olunub.

Qeyd edək ki, elektron şəxsiyyət vəsiqəsinin müvafiq qrafasında sahibi 9 yaşından başlayaraq praktikada istifadə edəcəyi formada şəxsi imzasını qoymalıdır.

Elektron şəxsiyyət vəsiqəsini əldə etmək üçün maraqlanan şəxs aşağıdakı ünvana müraciət etməlidir:

• Ədliyyə Evinin istənilən şöbəsi;
• Dövlət Xidmətlərinin İnkişafı Agentliyinin istənilən ərazi idarəsi;
• Gürcüstanın xaricdəki diplomatik nümayəndəliyi və konsulluq qurumu.

Şəxsiyyət vəsiqəsini təqdim etməklə yanaşı ünvanı qeydiyyata almaq və ya qeydiyyatı dəyişdirmək istəyirsinizsə, yaşayış yeri üzrə müvafiq Ədliyyə Evinə və ya Dövlət Xidmətlərinin İnkişafı Agentliyinin müvafiq ərazi idarəsinə müraciət etməlisiniz.

• Elektron şəxsiyyət vəsiqəsi üçün müraciət edən şəxs ola bilər:
• Şəxsən fəaliyyət qabiliyyəti olan yetkinlik yaşına çatmış şəxs;
• 14 yaşına çatmış yetkinlik yaşına çatmayan;
• Qeydiyyata alınmış nikahda olan 16 yaşdan 18 yaşınadək olan şəxs istisna olmaqla, yetkinlik yaşına çatmayanın (18 yaşına çatmamış) qanuni nümayəndəsi (valideyn, himayəçi və ya qəyyum);
• Evsiz və/və ya zorakılığın qurbanı olan uşaq halında həmçinin qəyyumluq və himayə orqanı;
• Dəstəyi alan şəxs, tərəfdarın razılığı ilə.

Elektron şəxsiyyət vəsiqəsi haqqı:

• 10-cu iş günü - 60 lari;
• 5-ci iş günü - 80 lari;
• 3-cü iş günü - 100 lari;
• 24 saat ərzində - 120 lari;
• Həmin gün - 150 lari.