2025-ci ilin may ayında tikinti dəyəri indeksi aylıq baxımdan 0.2% artıb, illik müqayisədə isə 5% artıb. 

Aktual.ge xəbər verir ki, bu barədə Gürcüstanın Milli Statistika Xidmətinin hesabatında qeyd olunub.

Tədqiqata əsasən, may ayında yaşayış sahələri üzrə indeks aylıq 0.3%, illik isə 8.9% artıb. Qeyri-yaşayış sahələri üzrə indeks isə aylıq 0.7% azalıb, illik müqayisədə isə 1.6% artım müşahidə olunub.

"Hesabata əsasən, ictimai tikinti seqmenti üzrə indeks əvvəlki ayla müqayisədə 0.5%, ötən ilin eyni ayı ilə müqayisədə isə 2.2% artıb”, – deyə bildirilib.

Eyni zamanda, may ayında aprel ayı ilə müqayisədə tikinti dəyəri indeksinin 0.2% artması əsasən tikinti materiallarının qiymətinin 0.3% bahalaşması ilə əlaqəlidir ki, bu da indeks dəyişikliyində 0.18 faiz bəndi paya malik olub.

Hesabatda bildirilir ki, illik qiymət artımı isə əsasən tikinti sahəsində işləyən muzdlu işçilərin orta aylıq nominal əmək haqqının 17.8% artması və tikinti materiallarının 2.0% bahalaşması ilə əlaqəlidir ki, bunlar ümumi indeks dəyişikliyinə müvafiq olaraq 3.62 və 1.23 faiz bəndi təsir göstərib. Ümumilikdə isə, 2022-ci ilin fevral ayı ilə müqayisədə tikinti dəyəri indeksi 23.1% artıb.