“Korupsiya ilə bağlı müəyyən problemlərin sistemli şəkildə üzə çıxdığı təxminən ikiillik dövr olub. Bundan əvvəl də belə problemlər yox idi, bu gün isə bütün dövlət qurumları bütün səviyyələrdə prinsip etibarilə korrupsiyadan azaddır”.

Aktual.ge xəbər verir ki, bunu Baş nazir İrakli Kobaxidze jurnalistlərə müsahibəsində söyləyib. 

İrakli Kobaxidze qeyd edib ki, Baş nazir vəzifəsinə təyin olunduqdan sonra bir çox məsələni araşdırmaq, problemləri aşkar etmək və yenidən təşkilatlanma aparmaq üçün təxminən il yarım vaxt lazım olub.

Onun sözlərinə görə, bu proses 2025-ci ilin iyununda başa çatıb.

“Korupsiya ilə bağlı bu problemlər təxminən iki il ərzində mövcud olub. Belə problemlər sistemli şəkildə üzə çıxan kimi dərhal müdaxilə etdik, dərhal bəyanat verildi. Bidzina İvanişvili tərəfindən də müəyyən problemlərin olduğu, onların aradan qaldırılmasına və həllinə ehtiyac duyulduğu barədə çox aydın mesaj verildi. Biz dərhal bu istiqamətdə işə başladıq.

Müəyyən subyektiv və yanlış hərəkətlər səbəbindən korrupsiya problemlərinin üzə çıxdığı təxminən ikiillik dövr olub. Kənardan həyata keçirilən hücumlardan müdafiə olunmaqla o qədər məşğul idik ki, eyni vaxtda bir neçə istiqamət üzrə bütün məsələlərə diqqət yetirmək çətin idi.

Bu gün dövlət heç vaxt olmadığı qədər güclüdür. Biz həm kənardan gələn hücumların dəf edilməsinə, həm də ölkə daxilində korrupsiyaya qarşı mübarizəyə eyni dərəcədə diqqət yetirə bilərik.

Korrupsiya təkcə yuxarı eşelonlarda deyil, həmçinin aparıcı dövlət qurumlarında və dövlət müəssisələrində də prinsip etibarilə aradan qaldırılıb. Aşağı səviyyəli korrupsiyaya gəlincə, burada istənilən ölkədə olduğu kimi, daimi mübarizə aparmaq lazımdır”, - deyə İrakli Kobaxidze vurğulayıb.