Gürcüstanın Milli Rəqabət Agentliyi motor yanacağı bazarında beş iqtisadi agentin təhqiqatını başa çatdırıb.

Aktual.ge xəbər verir ki, söhbət 2022-ci ilin mart-avqust aylarında avtomobil yanacağının pərakəndə satış bazarında koordinasiyalı davranış nəticəsində yüksək qiymətlərin saxlanılmasından gedir.

Milli Rəqabət Agentliyi bildirir ki, aparılan araşdırma nəticəsində müəyyən edilib ki, - "Lukoyl-Georgia" MMC, "Visol Petroleum Georgia" ASC, "San Petroleum Georgia" MMC, "SOCAR Georgia Petroleum" MMC” və “Rompetrol Georgia” MMC Gürcüstanın “Rəqabət haqqında” Qanununun 7-ci maddəsini pozub. 

Qeyd olunub ki, avtomobil yanacağının pərakəndə satış bazarında yüksək qiymət saxlanılıb ki, bu da 5 aparıcı şirkətin koordinasiyalı fəaliyyətinin nəticəsi olub. 

Agentlik yanacağı yüksək qiymətə saxladığına  görə aşağıdakı iri paylayıcı şirkətləri 4 milyon lari məbləğində cərimələyib:

"San Petroleum Georgia" MMC - 1 073 998 lari;
"Rompetrol Georgia" MMC - 987 886 lari;
"SOCAR Georgia Petroleum" MMC - 719 310 lari; 
"Visol Petroleum Georgia" ASC - 693 576 lari;
"Lukoyl Georgia" MMC - 450 590 lari. 

Bildirilib ki, qanunvericiliyə uyğun olaraq, şirkətlər agentliyin qərarından Tbilisi Şəhər Məhkəməsinə şikayət edə bilərlər. 

Qeyd edək ki, agentliyin qiymətləndirmə müddəti 2022-ci ilin yanvar-avqust ayları arasındakı dövrü əhatə edir.