Gürcüstanda qeydiyyata alınmış avtomobillərin sayı 1.9 milyonu ötüb.

Aktual.ge xəbər verir ki, xüsusilə, Xidmət Agentliyinin son məlumatına görə, ölkədə ümumilikdə 1 912 866 avtomobil qeydiyyatdan keçib.

Xatırladaq ki, 2025-ci il yanvarın 1-nə olan məlumata əsasən, Gürcüstanın əhalisi 3 704 500 nəfər təşkil edib. 2024-cü ildə bu rəqəm 3 694 600 nəfər, 2015-ci ildə isə 3 721 916 nəfər idi.

Bununla yanaşı, Xidmət Agentliyinin son məlumatına əsasən, Gürcüstanda 1 666 841 sürücülük vəsiqəsi verilib.

Gürcüstanın Milli Statistika Xidmətinin 2025-ci ilin sonuna olan məlumatına görə, ölkədə ən çox istifadə olunan avtomobil markası MERCEDES-BENZ-dir. Növbəti yerləri isə TOYOTA, FORD və VAZ tutur.

Daha ətraflı, Gürcüstanda ən çox istifadə olunan TOP-10 avtomobil markası belədir:

1. MERCEDES-BENZ – 223 300 ədəd;

2. TOYOTA – 201 556 ədəd;

3. FORD – 178 983 ədəd;

4. VAZ – 153 086 ədəd;

5. OPEL – 147 021 ədəd;

6. BMW – 85 818 ədəd;

7. VOLKSWAGEN – 77 271 ədəd;

8. NISSAN – 71 497 ədəd;

9. HONDA – 71 274 ədəd;

10. MITSUBISHI – 56 792 ədəd.