2026-cı ilin yanvar–mart ayları ərzində Avropa İttifaqı ölkələrində qanunsuz yaşayan 692 Gürcüstan vətəndaşı ölkəyə geri qaytarılıb.

Aktual.ge xəbər verir ki, bu barədə Daxili İşlər Nazirliyinin 2026-cı ilin birinci rübü üzrə statistik hesabatında məlumat yer alıb.

Rəsmi statistikaya əsasən, 2026-cı ildə ən çox Gürcüstan vətəndaşı Almaniyadan geri göndərilib.

Nazirliyin məlumatına görə, Gürcüstan vətəndaşlarının ən çox geri qaytarıldığı ilk 10 ölkə bunlardır:

• Almaniya — 377 nəfər
• Fransa — 104 nəfər
• İtaliya — 40 nəfər
• Polşa — 30 nəfər
• İsveçrə — 22 nəfər
• Yunanıstan — 21 nəfər
• İrlandiya — 18 nəfər
• İspaniya — 14 nəfər
• Hollandiya — 14 nəfər
• Belçika — 11 nəfər.

Qeyd edək ki, Gürcüstan və Avropa İttifaqı arasında “İcazəsiz yaşayan şəxslərin readmissiyası haqqında” saziş 2011-ci il martın 1-də qüvvəyə minib. Sazişə əsasən, Aİ ərazisində qanunsuz yaşayan Gürcüstan vətəndaşlarının ölkəyə qaytarılması həyata keçirilir.