16–17 iyun tarixlərində hava isti və əsasən yağıntısız olacaq, 18 iyunda isə yağış yağacağı, bəzi yerlərdə dolu düşə biləcəyi gözlənilir. 

Aktual.ge xəbər verir ki, bu barədə Milli Ətraf Mühit Agentliyi məlumat yayıb.

Sinoptiklərin proqnozuna görə, Tbilisidə gecə və axşam saatlarında qısamüddətli yağış və şimşək çaxması gözlənilir. Havanın temperaturu gündüz +29...+31°C olacaq.

Sahil bölgəsi:

Batumi, Kobuleti, Anaklia, Poti: 16–17 iyunda hava isti və yağıntısız olacaq, 18 iyunda isə yağış yağacaq. Gündüz temperaturu +27...+29°C təşkil edəcək.

Kartli bölgəsi:

Rustavi, Bolnisi, Marneuli, Qardabani, Qori, Tsxinvali: Bəzi yerlərdə qısamüddətli yağış və şimşək gözlənilir, dolu düşməsi də mümkündür. Gündüz temperaturu +28...+30°C olacaq.

Kaxeti bölgəsi:

Saqareco, Telavi, Qurcaani, Siqnaxi, Laqodexi, Kvareli, Axmeta, Dedoplistskaro: Bəzi yerlərdə qısamüddətli yağış və şimşək gözlənilir, dolu düşməsi də mümkündür. Gündüz temperaturu +28...+30°C olacaq.