"Vahid Milli Hərəkat" partiyasının XIII qurultayında İdarə Heyətinin sədri İrakli Pavlenişvili seçilib.

Aktual.ge xəbər verir ki, onun İdarə Heyətinin sədri seçilməsi barədə qərar partiyanın qurultayında qəbul edilib.

Bundan əlavə, İdarə Heyətinin tərkibinə Petre Tsiskarişvili, Ani Tsitlidze, Giorgi Çaladze, Laşa Parulava, Giorgi Botkoveli, Levan Bejaşvili və hazırda həbsdə olan İrakli Nadiradze daxildir.

Partiyanın keçmiş sədri Tina Bokuçavaya gəlincə, Levan Bejaşvilinin sözlərinə görə, o, İdarə Heyətinin fəaliyyətində iştirak etməkdən imtina edib və partiyanın Siyasi Şurasının üzvü olaraq qalıb.