2026-cı ilin avqust ayında Gürcüstanda inflyasiya səviyyəsi əvvəlki ayla müqayisədə 0,4%, illik inflyasiya səviyyəsi isə 5,6% təşkil edib.

Aktual.ge xəbər verir ki, bu barədə Gürcüstan Milli Statistika Xidmətinin ("Saksat") hesabatında qeyd olunub.

Baza inflyasiyasına gəlincə, “Sakstat”ın məlumatına görə, 2026-cı ilin avqust ayında bu göstərici ötən ilin müvafiq dövrü ilə müqayisədə 3,8% təşkil edib. Tütün məhsulları nəzərə alınmadan illik baza inflyasiyası isə 3,6% olub.

“Sakstat”ın məlumatına əsasən, ötən ay illik ifadədə ən çox bahalaşan məhsulların siyahısına pomidor başçılıq edib. Pomidorun qiyməti 57,5% artıb.

Avqust ayında ötən ilin eyni dövrü ilə müqayisədə ən çox bahalaşan 10 məhsul aşağıdaki kimidir:

• - Pomidor — 57,5%

• - Qəzet — 45,4%

• - Soğan — 43%

• - Dizel yanacağı — 40%

• - Nikah üçün 958 əyarlı qızıl üzük — 36,5%

• - Kələm — 31%

• - Jurnal — 30%

• - Təyyarə ilə sərnişindaşıma — 30%

• - Elektrik enerjisi haqqı — 25%

• - Hisə verilmiş balıq — 23%