“Rusiya qanunu”nu məzənnəyə ağır təsir göstərib və onun kəskin devalvasiyasının qarşısını almaq üçün Milli Bank son bir ayda 168 milyon dollar satmalı olub. Buna baxmayaraq, Milli Bank rəhbərliyi hökuməti demaqoq bəyanatlarla ört-basdır etməyə və larinin devalvasiyasını birdəfəlik tələbatın artması ilə izah etməyə çalışır.

Aktual.ge xəbər verir ki, bu barədə “Avrooptimistlər”in deputatı, iqtsiadçı Roman Qotsiridze söyləyib.

Onun sözlərinə görə, “Rusiya qanunu”nun qəbulundan sonra ölkə ciddi risklərlə üzləşib və “gözlənilən nəticələrə görə bütün məsuliyyət Milli Bankın əsaslandırmağa çalışdığı Gürcüstan hökumətinin üzərinə düşür”.

“Belə bir vəziyyətdə Milli Bank özünü qeyri-adekvat aparır, larinin devalvasiyası və qiymət artımı təhlükəsi olduğu halda, dəyərsiz pul siyasətinə qayıdıb. Əvvəlcə yenidən maliyyələşdirmə dərəcəsini aşağı saldı, sonra kommersiya banklarına külli miqdarda yenidən maliyyələşdirmə kreditləri verdi: Mayın 30-da 3,8 milyard lari (tarixi maksimum), iyunun 6-da 3,7 milyard lari. Eyni zamanda, larinin kəskin devalvasiyaya uğramaması üçün (yəni, təxminən 460 milyon lari çıxarıb) son bir ayda 168 milyon dollar (o cümlədən dünən 60 milyon dollar) satıb. Milli Bank açıq-aşkar ziddiyyətli manipulyasiyalara əl atır. Bu arada Milli Bankın valyuta ehtiyatları 5,2 milyard dollardan 4,5 milyard dollara qədər azalıb ki, bu da adekvatlıq həddindən xeyli aşağıdır. İki həftə əvvəl Beynəlxalq Valyuta Fondu da Gürcüstan hakimiyyətinə bununla bağlı xəbərdarlıq edib”, - Roman Qotsiridze söyləyib.