2025-ci ilin mart ayında Gürcüstana daxil olan pul köçürmələrinin həcmi 291.86 milyon ABŞ dolları təşkil edib ki, bu da ötən ilin mart ayındakı göstəricidən (280.96 milyon ABŞ dolları) 3.89% çoxdur.

Aktual.ge xəbər verir ki, bu barədə Gürcüstanın Milli Bankının yaydığı məlumatlarda qeyd olunub.

Milli Bankın məlumatına görə, hesabat dövründə ölkəyə ən çox pul ABŞ-dan daxil olub – 55.01 milyon dollar. İkinci yerdə İtaliya qərarlaşıb – 50.46 milyon dollarla, üçüncü yerdə isə Rusiya gəlir – 37.84 milyon dollarla. Dördüncü yeri Yunanıstan tutur – mart ayında oradan 24.45 milyon dollar göndərilib, beşinci yerdə isə Almaniyadır – 24.34 milyon dollarla.

Bundan əlavə, Milli Bankın məlumatlarına əsasən, ən çox pul köçürməsi həyata keçirilən ilk on ölkə sırasına aşağıdakılar da daxildir:

İsrail (21.47 milyon),

Türkiyə (8.62 milyon),

Qırğızıstan (7.02 milyon),

İspaniya (6.96 milyon) və Qazaxıstan (6.59 milyon).

Gürcüstandan xaricə edilən köçürmələrə gəldikdə isə, Milli Bankın məlumatına əsasən, cari ilin mart ayında xaricə 32.1 milyon ABŞ dolları (89.2 milyon lari) göndərilib ki, bu da ötən ilin analoji göstəricisi ilə (29.6 milyon ABŞ dolları) müqayisədə 8.5% artım deməkdir.