2027 წლის ესპანეთის სუპერთასი 2-6 თებერვალს თურქეთის ქალაქ სტამბოლში გაიმართება. ტურნირში ოთხი ესპანური კლუბი მიიღებს მონაწილეობას: „ბარსელონა“, „რეალ მადრიდი“, „ატლეტიკო მადრიდი“ და „რეალ სოსიედადი“.

შეჯიბრების მატჩებზე დასასწრები ბილეთების გაყიდვა უკვე დაწყებულია. მათი შეძენა შესაძლებელია ოფიციალურ ვებგვერდზე: www.supercopa2027.com.
ტურნირში მონაწილეობას მიიღებენ ესპანეთის ჩემპიონატის  ლა ლიგის  გამარჯვებული და მეორე ადგილზე გასული გუნდები, ასევე ესპანეთის სამეფო თასის ორი ფინალისტი. ნახევარფინალში „ბარსელონა“ „ატლეტიკო მადრიდს“ დაუპირისპირდება, ხოლო „რეალ სოსიედადი“   „რეალ მადრიდს“. ორივე შეხვედრის გამარჯვებული გუნდი 6 თებერვალს ფინალში ითამაშებს. 

აღსანიშნავია, რომ ესპანეთის სუპერთასს თურქეთი პირველად უმასპინძლებს. ტურნირის ფარგლებში ხუთი დღის განმავლობაში სამი მატჩი სტამბოლის სამ სხვადასხვა სტადიონზე გაიმართება. ორგანიზატორების განცხადებით, მატჩებზე 150 000-ზე მეტ მაყურებელს ელოდებიან.

  სტამბოლი საერთაშორისო საფეხბურთო ღონისძიებებს უმასპინძლებს

უნდა ითქვას ისიც, რომ სტამბოლს საერთაშორისო საფეხბურთო ტურნირების მასპინძლობის გამოცდილება აქვს. ქალაქში ჩემპიონთა ლიგის ფინალი ორჯერ - 2005 და 2023 წლებში გაიმართა, ხოლო 2026 წელს სტამბოლმა ევროპა ლიგის ფინალს უმასპინძლა. 

საფეხბურთო მატჩების გარდა, სტამბოლში ჩასულ სტუმრებს ქალაქის ისტორიული ადგილების დათვალიერება, ბოსფორის სრუტეზე გასეირნება, შოპინგი და კულტურულ ღონისძიებებში მონაწილეობაც შეეძლებათ. ქალაქი ასევე ცნობილია მრავალფეროვანი სამზარეულოთი. ასევე,  სტამბოლის ათობით რესტორანი MICHELIN-ის გზამკვლევშიც არის წარმოდგენილი.

ტურნირის ორგანიზებაში მონაწილეობენ თურქეთის კულტურისა და ტურიზმის სამინისტრო, ახალგაზრდობისა და სპორტის სამინისტრო, საუდის არაბეთის გასართობი ღონისძიებების გენერალური უწყება, ესპანეთის სამეფო ფეხბურთის ფედერაცია (RFEF), თურქეთის ფეხბურთის ფედერაცია (TFF), Sela Events და Hezarfen Ajans.

მატჩების განრიგი

2 თებერვალი - პირველი ნახევარფინალი

„ბარსელონა“ - „ატლეტიკო მადრიდი“

ადგილი: Şükrü Saracoğlu Sports Complex

3 თებერვალი - მეორე ნახევარფინალი

„რეალ სოსიედადი“ - „რეალ მადრიდი“

ადგილი: Beşiktaş Stadium

6 თებერვალი - ფინალი

ადგილი: Ali Sami Yen Sports Complex

ბილეთების შეძენა შესაძლებელია ვებგვერდზე: www.supercopa2027.com.